哇！摆喜宴咩？

话说当年，每逢有乜新戏上映，姑姐都会向她公司攞赠卷。两家十多人，两辆车，星期六赶夜场。

讲起间戏院都几出名咖！鬼故一箩箩。有啲似乎过份夸张，听完笑下就算。有啲似曾相识，讲起有啲印象？我都好似系道睇过咁咯嘢喔？总言之，讲到呢间戏院的男厕。。个窗口，系对正个山坟，而且啲墓碑，距离个窗口仲系好鬼近。（唔到十尺呱？）在靓女城就无人不晓！女厕啲。。我就唔知咯？等我妈给我入去先至讲给大家知。

完场后，回家途经当时靓女城唯一的大医院。系医院后的小路，路边有好几棵十条友仔都抱唔完的榕树。夜晚漆黑，条路又无街灯。坐后座望出车外，啲情景都几阴森恐怖兼嚇人咯！有时遇到啲白衣天使放工，步行番宿舍，啲白影系远处飘啊飘咁。唔为意仲以为睇到啲嘢？ 夜晚系极少车辆经过呢处咖!

一路行我就一路睇，我睇到左边有处好多人，聚集系一起，行来行去，好似好热闹咁？啲情景就好似人地摆酒席咁！呢道几个，个道几个。人头涌涌。

哇！咁夜仲有多人喀！个个都着白衫喀，系咪摆酒叻？我问我妈。

哥！边道？ 我妹回头望出车外，向我睇的地方探究竟。

没人喀？ 我妹话。

坐前座的妈，忽然间好大动作咁转个头来，眼大大咁望住我。然后至同我讲。系呱？

睡觉啦！到佐会叫醒你。 坐我右边的姑姐话。

我想再望番去睇清楚啲，但车已驶过果个地方好远。

唔记得事隔几耐之后，姑姐同我讲番起呢件事。 我至醒起。

当其时我根本就唔知个间系医院。我睇到班友仔的地方原来系医院的停尸间外。